Ine botikê po vosse plézîr

 

stand-franciane-1 stand-franciane-2

Deûs côps d'oûy dèl botikê - © BMG


Ine botikê di 28 m2 èst vouwée al natûre èt al couhène, divins l' veûlîre dèl cinse, à costé dèl grègne.

Èle complète insi l'ofe gastronomike qui fêt li spéciyålité dèl cinse : mûsêyee èt bibiliothéke, taviène, pôrminådes guidées èt ôtes journées de formåcion so lès plantes sauvages qu'on pout magnî.

Oute on consècant pakèt d' lîves di couhène èt so l' vin, vos y trovez ossi dès spécerèyes di manèdjes, dès spéculåcions, dèl épicerèye èt, dispôy avri à septimbe, dès plantes come assåh'nèdjes.

Franciane Caille vos y propôze dès peûves di Madagascar, Togo, Inde, Pakistan, Chine, Japon, Brésil… – bref pus d' 20 fameûs bons peûves –, dès curry d’Inde, Pakistan, dès sés rodge ou neûr d’Hawaï, bleû di Perse, rôze d’Himalaya, dès sés di Guérande, d’ôtes al trufe ou al hibiscus…èt co dès mahes d’spécerèyes di Chine, Japon, Argentine, Canada…

Dès låmes di France, Portugal èt Walonerèye, dès confitûres di Hèsbaye, dès confitûres avou di safran, dès ôtes sins souke en pus…, dès marmeulådes d'Anglètêre, des påtés èt co dès tizånes èt sirôpe bio di Gaume, dès choco bio – sins ôle di palme… – ou lès mayonèzes al trufe èt ôtes sauces béarnaises…. di Tubize !

Vos i trov'rez aussi des vinêgues èt dès rafènemints po lès fins bètchs, come lès spéciyålités dèl Mûzêye dèl Goûrmandîse.

Dispôy l' prétins à l'arîre-sézon, Franciane vos ofre dès jèbes èt dès jèrbêyes corantes è pot ma ossi d'ôtes vivaces pus råres, come lei basilic di Chine, li basilic-canèle, l'agastache, li monarde ou li pimppurnèle...

logo-franciane copie

 

Ovri è 2013, Nature & Cuisine èst d'asteûre on « point de vente du terroir » po l'Office des Produits wallons.

logo OPW-Franciane

Li botikê èst drovou divins l' cinse lès sem'dis 14-19:00 èt dimanches 1119:00 - såf è novimbe, dicimbe, djanvîr èt fèvrîr wice qu' li cinse clôt l'ouh à 18:00.