Armand Henrot

Armand Henrot vint å monde li 1er aoûs 1926 å Am'sin, près d'Ama.  I l'èst sèt-ans vî cwan i kimince ine colleccion dè timbes posse ; ci « hobby » va rade div'ni ine passion ki li fêt rassonler tos lès timbes beljes, èt tos lès francès, èt tos lès cis dè Lucsamboûr… I studèye ossi lès catchèts dèl Posse po ritracer li vôye ki lès lètes fît divins l' payîs d'Ama.

Si i troûve dès calotes di facteûr, c'èst l' toumêye ; di là vint qu'i va voleûr en aveûr d' tote sôr dè difèrints payîs èt qu'i va scrîre hå èt hote (èt minme ås ambassådes). I va en riçûre, èt dès ûnifôrmes å-d'-dizeûr dè martchî !  Èt i va adjouter dès malètes, dès bordons, dès macas, dès bwètes ås lètes…

Ça en fêt si télemint qu'i-gn-a pus d' plèce divins s' mohone ! Èt ki si feume si rèdjimbe. Èt pu, i s' fêt vî… Alôrs', bin rèzolou, i done tot å Mûzèye dèl Goûrmandîse ca Charles-Xavier Ménage, li conservateûr, l'a êdî po sès ricwèrèdjes.

04 MONSIEUR HENROT 

Armand Henrot èt Charles-Xavier Ménage,
divant l' Mûzèye Postes restantes

È 2004, li p'tit Musée Postes restantes a don v'nu å monde divins li Ferme castrale.  Avou des bès-affères dèl Posse ma ossi avou dès bès saqwè po scrîre d'ine bonasse dèl assôciåcion.  Tot lès saminnes, èt pindant dès meûs, Armand Henrot vint veûr çou qui s'passe.

Li 4 aoûs 2005, i fêt l' båye dèl poye, to lèyant li souv'nir d'on p'tit bonome grigneu, passioné, midone èt qu'on vèyéve vol'tî.