On mûzèye avou deûs coleccions ! Scriyèdje èt Posse

Po dihovri  l'istwére co bin surprindante dèl scriyèdje èt dèl Posse di l'antikité disqu'asteûre

Discovrez  l’emblème dèl mèstî, lès difèrints môdes dè transpôrt, kimint on dipufkinéve lès lètes, ...çou qu’èst on « polét » !  An'mirez li bêté dès ustèyes po scrîre.... 

 

Musee postes CONDROZ04

 

Po l'djoû d'oûy, li facteûr fait s' toûr e mons d'on d'mi-djoû ; ci n'èst nin si åhèye èt i beût nin tant qu' divins l' tins : fini l' pèkèt amon l' kimère... Géoroute èst là qui sère lès-ovrîs !

Èt divins l' tins ? Kibin d'eûres mètéve-t-i ?
I filéve à fèyes on lèd coton, li mèssèdjî… Kimint s' disfinde ? Avou quél arme ?  Dispôy cwand i-gn-a ine posse ? D'ou-vint qu' li cwèrnèt riprézinte li mèstî ?  Poqwè lès facteûrs, c'èst todi dès feumes è Russîye ? Dispôy kibin d'tins i-gn-a ine bwète à l' houh di d'vant ?

Li Mûzèye Postes restantes rispond à ça èt à tan d'ote-tchwè.

Vos y troûv'rez cès bès-afères ki sont dèdja folklore èt arkéolôgîe, ou qu'on n' s'è chèv pus : timbes « litteras », bwètes èt èssègnes dèl vî posse, bordons, sètchs èt bèzèces, cwèrnèts, macas, peûze-lètes… ca lès burôs dèl Posse ont disparou divins lès p'tits viyèdjes èt… Vos sov'nez vos dèl muzique « barbåre » dè catchèt so lès lètes ? On n' l'ôt pus !

Vos y f'rez li comparêzon inte lès ûnifôrmes beljes (dispôy l' såro) èt d'alieûr, èt vos dihovr'rez lès diférints tchapés : tchèteûre, bonèt, bèrèt, kèpi, castèke…

Dès vis tèlèfones rinov'lèt l' tins où lès an'ministråcions dèl Poss èt dèl Tèlèfone ovrît èssonne.

Ci mûzèye èst l' seûl tèmon dèl Posse, oûy è l' Beldjike, (li mûzèye d' Brussèle a clôs l'ouh e 2003).
Nos l'apèlons Postes restantes ca

  • c'èst l' dièrin mûzèye so l' Posse ki dimeûre ad'lé nos-ôtes
  • y-gn-a ossi on siervice oficiyèl dèl Posse dè ci nom-là divins tos lès payis dè monde : li « Poste restante » gråce à ki vos polez fé evoyî vosse corî divins li mêsse burô d'ine vèye qui vos tchûzihez èt ki wårde là vosse corî disqu'à tant ki vos alez l'y r'prindre (maximum deûs meûs).

Èt come sins mèssèdje scrîs, y-gn-åreût nin eu d' Posse…

Limosin scriyedje

Dès bès-afères pèrmètèt d' rimonter l' tins èt d' ritracer ine ôte istwére, li cisse di l' scriyèdje èt di l'årt dèl caligrafie.

Nos vitrines ribrotchèt avou lès stylus romin, calames, grèfes, pènes èt ustèyes po li para cwand li bètch èst hinêye, drap-d'-pènes, boh'tês, scriftôres, botèyes à l'intche, pôrtèplumes, stylos, haye èt touches, boules prèsse-papîs, casses di scolîs, etc.

Dès machines po scrîre, mècaniques èt èlèctriques, sont ossi là, èt même treûs vîs copiutreces di måjhone - li modèle I dè TRS-80, li tot prumî copiutrece pwèrtåbee (TRS-80 modèle 100) èt on Macintosh SE di 1987 avou on ècran ki èstoumake nos djonnes…

Li mûzèye mostreûre ossi dès caligrafies èt on bè tèlègrafe du XIXe siéke ki rinovèle ine ôte manîre dè scrîre.

vitrine-taill-crayons-style

On fêt dès vizites spéciåles po lès scoles, al manîre dès mêsses.


 

Li Mûzèye a dèdja prusté sovint dès pèces po dès-èspôzicions èl Walonerèye, à Brussèle èt minme amon lès Flaminds.

2013 01 18 Wervick vitrine

Vitrine avou dès ustèyes po scrîre
divins l'èspôzicion Van Messagier tot postbode montée po li vèye di Wervik
po lès facteûrs Luc Decorte èt Chantal Rigaut
divins li Sint-Janskapel, djanvîr 2013.

Il èst divins lès « Guide des Musées de la Communauté française Wallonie-Bruxelles », « Guide des Musées de la Province de Liège » èt divins... « Le Petit Futé Liège » !

On l'a dèdja vèyou so l' TV !

rtbf-wallonsnous 007-jany paquay

Li conservateûr dè mûzèye avou Jany Paquay qui èst v'nowe al cinse
po toûner ine « Wallons-nous »
(ine emission produte po Guy Fontaine po li Radio Televuzion bedje dèl Comunôté francèse).


 

On troûve li Mûzèye Postes restantes divins on bon bê andrwèt ki dåtèt principålemint dès XVIIe èt XVIIIe siékes, divins lès såles coviètes di voûtes dèl Cinse dè tchèstê à Hermåle-dizos-Hu.

Lès batimints dèl cinse sont tot-åtoû d'ine coûr pavêye, avou dès fleûrs, wice qui lès-èfants polèt djouwer sins dandjî. Li lodjis' dèl cinse, so l'costé dè nôrd riçut ine toûr cwårèye, pwète disfindowe d'avance par on pont lèvis. C'èsteut li seûle intrèye po moussî è tchèstê. Vos i veûrez scrit so li d'zeûr dèl pwète 1642.
Eune dès pus bèlès grègnes « so l'lårdjeûr » dèl Province di Lîdje (17 m. di hôt so 14 di lådje èt 32 di long) a treûs lèvês don lès tchèrpintes s'ènondèt so l'costé sûd. La on troûve on martchî d' boukins èt supwèrtés : « Les Chineurs gourmands ».

Divins l'cinse ossi, li Mûzèye dèl Goûrmandîse po l'itswère dèl couhène.

Lès djins polèt viziter l'cinse li sèm'di (14-18 h) èt l'dîmègne (11-18). Avå l'saminne, so radjoû, po lès groupes.
Po lès groupes, on pout èmantchî li vizite dèl cinse avou celle dès mûzèyes. Oufti !



Li Mûzèye è-st-å lådje tote l'annêye -  FR / NL

Tos lès sèm'dis èt lès dîmègnes, tot d'mandant on radjoû.
Avå l'saminne, po lès groupes, tot d'mandant on radjoû.
+32- (0)85 31 42 86

I-n-a tofér on guide èt li vizite deûre 1 eûre 30.


 

Kibin påye-t-on ? (avou guide) :


 

2005-vis-groupe-gastro-1bis

Vos-èstez divins on assôciåcion...
divins on comité...

Téléchargez èt imprîmez nos dôcumints :

   Information complète (.pdf)

 


 

Tèmwègnèdje :

Petit musée :
Cet été j'ai eu l'occasion de visiter le Musée Postes restantes.
Madame Nicole Hanot a une collection d'objets d'écriture fabuleuse (...)
J'ai bien évidemment parlé de Plumes et Calames !!!!

Nat

Re : Petit musée :
Je viens de jeter un coup d'œil...  Cela a l'air génial !
Merci Nat!

Modérateur  - aoûs  2007, so l' forum di plumes-et-calames.be

 


 

Li mûzèye n' ricût nin on liard dèl Fédération Wallonie-Bruxelles ;
çoula ni l'espêtche nin d'èsse di rôye avou li Code de respect des usagers culturels ca on féve dèdja insi chal.